VİZA

Ümumi məlumat

Vizanın anlayışı, kateqoriya, məqsəd və növləri

Anlayışı

Viza - ölkəyə viza tələb olunan qaydada gələn əcnəbinin ölkəyə gəlməsinə, vizada göstərilən qalma müddətində ölkədə müvəqqəti olmasına, həmin müddətdə sərhəd nəzarət məntəqələrindən müəyyən olunmuş qaydada keçməklə ölkədən getməsinə hüquqi əsas verən rəsmi sənəddir.

Kateqoriyaları

Vizanın - diplomatik, xidməti və adi olmaqla - üç kateqoriyası vardır.

Növləri

Azərbaycan Respublikasına gələn əcnəbilər və vətəndaşlığı olmayan şəxslərə 2 növdə olan - giriş və ya tranzit vizası aşağıdakı qaydada rəsmiləşdirilir:

1. Giriş vizası – bu növ vizanın etibarlılıq müddəti birdəfəlik giriş-çıxış üçün 90 günədək müəyyən olunur.

Birdəfəlik (adi) giriş vizası – bu müddət ərzində ölkəyə yalnız bir dəfə giriş-çıxışı həyata keçirməyə icazə verir.

Çoxdəfəlik giriş vizası - bu növ vizanın etibarlılıq müddəti 2 ilədək müəyyən olunur. Bu viza şəxsə müvafiq müddət ərzində ölkəyə çoxsaylı giriş-çıxışı həyata keçirməyə icazə verir.Çoxdəfəlik viza yalnız Xarici İşlər Nazirilyinin dəvəti əsasında verilir.Vizada göstərilən ölkədə qalma müddətindən vizanın etibarlılıq dövrü ərzində istifadə edilir.Bu müddət ərzində istifadə olunmayan viza qüvvədən düşür.

2. Bir və ya ikidəfəlik tranzit vizası – üçüncü ölkələrə gedən əcnəbilərə və vətəndaşlığı olmayan şəxslərə Azərbaycan Respublikasının ərazisindən keçmək üçün verilir. Tranzit vizasının etibarlılıq müddəti 30 günədək, ölkədə qalma müddəti isə 5 günədək müəyyən edilir.Tranzit vizaları hava, su, dəmiryol nəqliyyatı və digər nəqliyyat növü vasitəsi ilə gediş marşrutu və ona sərf olunan vaxt nəzərə alınmaqla verilir.

Viza 15 (on beş) iş günü ərzində verilir. Səfirliyin konsulluq şöbəsinin əməkdaşı lazım bildiyi təqdirdə əlavə sənədlər tələb etmək və müraciət edən şəxslə müsahibə keçirmək hüququna malikdir.Sənədlər şəxsən və ya bu sahədə xidmət göstərən şirkətlər vasitəsilə Səfirliyin Konsulluq şöbəsinə təqdim oluna bilər.

Qeyd: Sənədlər poçt vasitəsi ilə qəbul edilmir.

XƏBƏRDARLIQ!!!

Azərbaycan Respublikasının Xarici İşlər Nazirliyi xəbərdarlıq edir ki, Azərbaycan Respublikasının rəsmi icazəsi olmadan Dağlıq Qarabağ və digər işğal olunmuş ərazilərə səfər etmiş və edəcək şəxslərə viza verilməsindən imtina ediləcəkdir. Daha ətraflı məlumat

Məqsədləri

Əcnəbilər və vətəndaşlığı olmayan şəxslər aşağıdakı məqsədlərlə ölkəyə gələrsə adi kateqoriyalı giriş vizası əldə edə bilərlər:

• işgüzar

• elmi və təhsil

• əmək

• turizm

• mədəniyyət və idman

• humanitar

• şəxsi səfər

• müalicə

Yalnız rəsmi məqsədlə ölkəyə gələn şəxslərə diplomatik və ya xidməti kateqoriyalı giriş vizası verilir.

Azərbaycan Respublikasında əmək fəaliyyəti ilə məşğul olmaq istəyən əcnəbi və vətəndaşlığı olmayan şəxslərin nəzərinə!

Azərbaycan Respublikasına əmək fəaliyyəti ilə məşğul olmaq üçün səfər etmək istəyən əcnəbi və vətəndaşlığı olmayan şəxslərə Azərbaycan Respublikasının diplomatik nümayəndəlik və konsulluqları tərəfindən əmək məqsədilə birdəfəlik adi giriş vizası rəsmliləşdirilir.

"Əcnəbinin Azərbaycan Respublikası ərazisində haqqı ödənilən əmək fəaliyyətini həyata keçirilməsi üçün fərdi icazənin verilməsi Qaydalarının və həmin fərdi icazənin nümunəsinin təsdiq edilməsi haqqında" Azərbaycan Respublikasının Nazirlər Kabinetinin 6 dekabr 2000-ci il tarixli, 214 saylı Qərarına əsasən, əcnəbilər və vətəndaşlığı olmayan şəxslər ölkəmizdə əmək fəaliyyəti ilə məşğul olmaq məqsədilə fərdi icazə əldə etmək üçün yalnız Azərbaycan Respublikasına gələndən sonra müvafiq dövlət orqanlarına müraciət edə bilər.

Vizanın verilməsi üçün tələb olunan sənədlər

18 yaşına çatmamış, lakin pasport sahibi olan və valideyni və ya qanuni nümayəndəsi ilə birgə səfər etməyən əcnəbilərə və vətəndaşlığı olmayan şəxslərə viza rəsmiləşdirilməsi üçün aşağıda qeyd edilən sənədlərdən əlavə notariat qaydasında təsdiq olunmuş doğum haqqında şəhadətnamənin surəti, valideynlərin və ya qanuni nümayəndənin icazəsi və onların şəxsiyyətlərini təsdiq edən sənədlərin surətləri də tələb olunur.

Azərbaycan Respublikası Miqrasiya Məcəlləsinin 36-cı maddəsinə uyğun olaraq, viza verilməsi üçün aşağıdakı sənədlər tələb olunur:

Rəsmi səfər

1. Viza üçün müraciət edən şəxs tərəfindən lazımi qaydada doldurulmuş və imzalanmış ərizə - anket

Ərizə - anket çap hərflərindən istifadə edilməklə doldurulmalıdır.Ərizə - anketdə olan cavabları dairə ilə işarələyin (cavabların altından xətt çəkmək olmaz). Lazımi qaydada doldurulmamış ərizələr baxılmadan geri qaytarılacaqdır;

2.Pasport və ya digər sərhədkeçmə sənədi (pasportun və ya digər sərhədkeçmə sənədinin etibarlılıq müddəti verilməsi nəzərdə tutulan viza müddətinin bitməsi tarixindən azı 3 ay artıq olmalıdır);

3.Pasport və ya digər sərhədkeçmə sənədinin əsas səhifələrinin surətləri;

4.Biometrik identifikasiya tələblərinə uyğun iki ədəd rəngli fotoşəkil (3x4sm);

5.Niderland Krallığının Xarici İşlər Nazirliyi tərəfindən təqdim olunmuş rəsmi məktub (nota);

Qeyd: Avropa İttifaqına üzv və eyni zamanda Şengen Sazişinə daxil dövlətlərin diplomatik pasport daşıyıcıları 180 gün ərzində ölkədə qalma müddəti 90 gündən çox olmayaraq vizasız Azərbaycan Respublikasına səfər edə bilərlər.

İşgüzar səfər

1.Viza üçün müraciət edən şəxs tərəfindən lazımi qaydada doldurulmuş və imzalanmış ərizə - anket.

Ərizə - anket çap hərflərindən istifadə edilməklə doldurulmalıdır. Ərizə - anketdə olan cavabları dairə ilə işarələyin (cavabların altından xətt çəkmək olmaz). Lazımi qaydada doldurulmamış ərizələr baxılmadan geri qaytarılacaqdır;

2.Biometrik identifikasiya tələblərinə uyğun iki ədəd rəngli fotoşəkil (3x4sm);

3.Pasport və ya digər sərhədkeçmə sənədi (pasportun və ya digər sərhədkeçmə sənədinin etibarlılıq müddəti verilməsi nəzərdə tutulan viza müddətinin bitməsi tarixindən azı 3 ay artıq olmalıdır);

4.Pasport və ya digər sərhədkeçmə sənədinin əsas səhifələrinin surətləri;

5.Biometrik identifikasiya tələblərinə uyğun iki ədəd rəngli fotoşəkil (3x4sm);                                                                    

6.Azərbaycan Respublikasında  fəaliyyət göstərən hüquqi şəxs tərəfindən göndərilmiş dəvət məktubu;

7.Dəvət edən təşkilatın Azərbaycan Respublikasının qanunvericiliyinə uyğun olaraq qeydiyyatdan keçməsini təsdiq edən şəhadətnamənin surəti;

8.Dövlət rüsumunun ödənilməsi haqqında qəbz.

Viza rəsmiləşdirilməsi üçün nəzərdə tutulmuş rüsum Səfirliyin bank hesabına (NL38ABNA0403491843) köçürülməli və ödəniş haqqında qəbz digər sənədlər ilə birgə təqdim olunmalıdır;

9.İş yerindən zəmanət məktubu;

Şəxsi səfər

1.Viza üçün müraciət edən şəxs tərəfindən lazımi qaydada doldurulmuş və imzalanmış ərizə - anket.

Ərizə - anket çap hərflərindən istifadə edilməklə doldurulmalıdır.Ərizə - anketdə olan cavabları dairə ilə işarələyin (cavabların altından xətt çəkmək olmaz). Lazımi qaydada doldurulmamış ərizələr baxılmadan geri qaytarılacaqdır;

2.Biometrik identifikasiya tələblərinə uyğun iki ədəd rəngli fotoşəkil (3x4sm);                                                                      

3.Pasport və ya digər sərhədkeçmə sənədi (pasportun və ya digər sərhədkeçmə sənədinin etibarlılıq müddəti verilməsi nəzərdə tutulan viza müddətinin bitməsi tarixindən azı 3 ay artıq olmalıdır)

4.Pasportun və ya vətəndaşlığı olmayan şəxsin şəxsiyyətini təsdiq edən sənədin (səyahət sənədinin) surəti;

5.Azərbaycan Respublikasında yaşayan Azərbaycan Respublikasının vətəndaşı və ya yaşama hüququ olan xarici ölkənin vətəndaşı tərəfindən göndərilmiş dəvət məktubu;

6.Dövlət rüsumunun ödənilməsi haqqında qəbz. Viza rəsmiləşdirilməsi üçün nəzərdə tutulmuş rüsum Səfirliyin bank hesabına (NL38ABNA0403491843) köçürülməli və ödəniş haqqında qəbz digər sənədlər ilə birgə təqdim olunmalıdır;

7.Dəvət edən şəxsin etibarlıq müddəti bitməmiş Azərbaycan Respublikasının şəxsiyyət vəsiqəsinin (yaşama hüququ verən sənədin) hər iki üzünün surəti;

Turist səfəri

1.Viza üçün müraciət edən şəxs tərəfindən lazımi qaydada doldurulmuş və imzalanmış ərizə - anket.

Ərizə - anket çap hərflərindən istifadə edilməklə doldurulmalıdır. Ərizə - anketdə olan cavabları dairə ilə işarələyin (cavabların altından xətt çəkmək olmaz). Lazımi qaydada doldurulmamış ərizələr baxılmadan geri qaytarılacaqdır

2.Biometrik identifikasiya tələblərinə uyğun iki ədəd rəngli fotoşəkil (3x4sm);                                                                     

3.Pasport və ya digər sərhədkeçmə sənədi (pasportun və ya digər sərhədkeçmə sənədinin etibarlılıq müddəti verilməsi nəzərdə tutulan viza müddətinin bitməsi tarixindən azı 3 ay artıq olmalıdır);

4.Pasportun və ya vətəndaşlığı olmayan şəxsin şəxsiyyətini təsdiq edən sənədin (səyahət sənədinin) surəti;

5.Dövlət rüsumunun ödənilməsi haqqında qəbz. Viza rəsmiləşdirilməsi üçün nəzərdə tutulmuş rüsum Səfirliyin bank hesabına (NL38ABNA0403491843) köçürülməli və ödəniş haqqında qəbz digər sənədlər ilə birgə təqdim olunmalıdır;

6.Turizm vauçeri və ya turizm yollayışı və yaxud mehmanxanada, kempinqdə, turist bazasında və ya digər bu kimi obyektlərdə yer sifariş edilməsini təsdiq edən sənəd;

7.Sərnişin bileti (Azərbaycan Respublikasının ərazisinə quru sərhədindən daxil olduqda və bununla bağlı sərnişin biletini təqdim etmək mümkün olmadıqda ərizə-anketdə nəqliyyat vasitəsinin növünü qeyd etmək lazımdır);

Azərbaycan Respublikasına gələn turistlər turizm şirkətləri vasitəsi ilə elektron viza ala bilərlər.

Elektron viza almaq üçün əcnəbilər Azərbaycan Respublikasında fəaliyyət göstərən və müvafiq icra hakimiyyəti orqanında akkreditasiyadan keçmiş turizm şirkətlərinə birbaşa və ya yaşadıqları ölkələrdə həmin şirkətlərin tərəfdaşı olan turizm şirkətləri vasitəsi ilə müraciət edə bilərlər.

Elektron vizanın alınması üçün Azərbaycan Respublikasında akkreditasiyadan keçmiş turizm şirkəti müvafiq icra hakimiyyəti orqanının internet informasiya ehtiyatında yerləşdirilmiş elektron ərizə-anketi dolduraraq, şəxsin pasportunun, fotoşəklinin və səfərin turizm məqsədi ilə həyata keçirildiyini təsdiq edən sənədlərin (turizm vauçeri və ya turizm yollayışı, sərnişin bileti və mehmanxanada, kempinqdə, turist bazasında və ya digər bu kimi obyektlərdə yer sifariş edilməsini təsdiqləyən sənəd) skan olunmuş surətlərini əlavə edir. Sənədlər daxil olduqdan sonra ən geci 5 iş gün ərzində cavablandırılır və viza rəsmiləşdirilərək, elektron qaydada müraciət edən turizm şirkətinin elektron poçt ünvanına göndərilir.Viza verilməsindən imtina edildikdə, bu barədə əsaslandırılmış məlumat verilir.

Elektron vizanın verilməsi üçün qanunla müəyyən edilmiş məbləğdə dövlət rüsumu ödənilir.

Çap olunmuş elektron viza pasporta yapışdırılmır və dövlət sərhədinin buraxılış məntəqəsindən keçərkən turist tərəfindən pasportla birgə təqdim edilir. Dövlət sərhədinin buraxılış məntəqəsindən keçərkən pasportda və vizada şəxsin Azərbaycan Respublikasının ərazisinə daxil olması və Azərbaycan Respublikasının ərazisini tərk etməsi barədə qeyd aparılır.

Turistlər üçün elektron viza almaq hüququ olan Azərbaycan Respublikasında fəaliyyət göstərən turizm şirkətlərinin müvafiq icra hakimiyyəti orqanında akkreditasiyadan keçməsi qaydası müvafiq icra hakimiyyəti orqanı (Azərbaycan Respublikasının Mədəniyyət və Turizm Nazirliyi) tərəfindən müəyyən edilir.

Azərbaycan Respublikasına turist qismində səfər edən əcnəbi vətəndaşlar üçün elektron qaydada (internet vasitəsilə) vizanın rəsmiləşdirilməsi proseduruna cəlb olunan turizm şirkətlərinin siyahısı

Rüsumlar

Aşağıda adları qeyd edilən dövlətlərdən başqa Avropa İttifaqına üzv ölkələrin eyni zamanda , Şengen müqaviləsinə qoşulmuş ölkələrin pasport daşıyıcıları üçün viza rüsumu 35 avrodur.

Vətəndaşlığı olmayan şəxsin şəxsiyyətini təsdiq edən sənədin (Səyahət sənədi və ya Reisdocument) sahibləri üçün:

Birdəfəlik giriş vizası 20 ABŞ Dolları

Çoxdəfəlik giriş vizası 350 ABŞ Dolları

Diqqət: Digər valyuta ilə göstərilmiş rüsumlar avro ilə ödənilərkən Avropa Mərkəzi Bankının gündəlik avro məzənnəsinə uyğunlaşdırılmalıdır.

(https://www.ecb.europa.eu/stats/exchange/eurofxref/html/index.en.html )

Diqqət: Aşağıda adları qeyd edilən dövlətlərdən başqa Avropa İttifaqına üzv ölkələrin eyni zamanda, Şengen müqaviləsinə qoşulmuş ölkənin vətəndaşları olan 12 yaşınadək uşaqlar viza rüsumundan azad edilirlər.

Dövlətlər

Birdəfəlik

Çoxdəfəlik

Danimarka

20 Dollar

350 Dollar

Böyük Britaniya

20 Dollar

                    265 GBP

İrlandiya

20 Dollar

350 Dollar

İslandiya

20 Dollar

350 Dollar

İsveçrə

20 Dollar

350 Dollar

Lixtenşteyn

20 Dollar

350 Dollar

 

 

 

 

 

 

 

 

 

                                                                                                                                                              Son yenilənmə: 01.07.2016

Qeyd: Azərbaycan Respublikasının ərazisində 10 (on) gündən artıq qalan əcnəbilər və ya vətəndaşlığı olmayan şəxslər Azərbaycan Respublikasının Dövlət Miqrasiya Xidmətində yaşayış yeri üzrə qeydiyyatdan keçməlidirlər. Qeydiyyatdan keçməyən şəxslər qanunvericiliyə müvafiq qaydada cərimə olunurlar. Əlavə məlumat üçün: www.migration.gov.az